علق الإعلامي أحمد شوبير حارس مرمى الأهلي ومنتخب مصر السابق، على اعتراض نادي الزمالك على 4 حكام لإدارة مباراة نهائي كأس مصر المقررة أمام بيراميدز يوم الخميس المقبل.
وقال أحمد شوبير في تصريحات إذاعية اليوم الأحد: «الزمالك خاطب اتحاد الكرة قال لهم مش عايز 4 حكام يديروا مباراة نهائي كأس مصر مع بيراميدز وهم: محمود البنا وأمين عمر ومحمد الصباحي وطارق مجدي».
وأوضح شوبير: «هو أصلا اتحاد الكرة لن يعطي المباراة لأي من هؤلاء الحكام الأربعة، والمباراة هيحكمها واحد من إثنين إما محمود بسيوني أو محمد معروف واحد منهما اللي هيحكم المباراة».
وأضاف شوبير: «طيب عايز اتكلم بصفة عامة وهو فكرة إن أندية تحدد حكام معينة، طيب لو أحمد الغندور مثلا أخطأ للزمالك في مباراة هل ينضم لهذه القائمة الرباعية، طيب مين هيحكم بعد كده المباريات».
ولختتم شوبير: «الأمر هنا محتاج شوية نقطة نظام مهمة جدا، الأولى إزاي ترفع مستوى حكامك، والأمر الثاني إزاي أنت اللي بتحط حكامك ولا أحد يفرض عليك أي شيء ولا يقول لك عايز الحكم ده ومش عايز ده».
