كشف سامي قمصان، المدرب العام السابق بالنادي الأهلي، عن رسالته لمارسيل كولر المدير الفني السابق للنادي الأهلي، بعد أحداث مباراة إياب نصف نهائي دوري أبطال أفريقيا.
وتعرض مارسيل كولر لهجوم شديد من بعض جماهير الأهلي بعد التعادل مع صن دوانز ووداع دوري أبطال أفريقيا، وقام جزء منهم بإلقاء الزجاجات على المدرب أثناء خروجه من أرض الملعب.
وفي هذا الصدد قال سامي قمصان في تصريحات تليفزيونية عبر برنامج «الكورة مع فايق»: «الموقف اللي حصل مع كولر ضايقني جدا، ده مش جمهور الأهلي ولا طباعه، الراجل ده حقق 11 بطولة».
وأضاف: «اتكلمت مع كولر بعدها، وقولتله الجمهور بيحترمك وفاكر اللي عملته، وده مش جمهور الأهلي الحقيقي».
وأكمل: «قولتله أنت عملت حاجات كتير كويس، والحمدلله استوعب الكلام وكان كويس جدا، وتقبل الحديث، وجمعنا غداء مع بعض».
