كشف تامر عبدالحميد، نجم نادي الزمالك السابق، عن أزمة مرتقبة داخل جدران القلعة البيضاء بين ممدوح عباس رئيس الزمالك السابق، وجون إدوارد المدير الرياضي للنادي، وذلك بعد تصريحات عباس بشأن الأزمة المثارة مؤخرًا لـ أحمد فتوح نجم الفريق.
وكان ممدوح عباس كتب عبر حسابه على منصة «إكس»: «لم أفهم هذه الضجة المثارة حول أحمد فتوح، كابتن نادي الزمالك، عقده ما زال ممتدًا، والرجل عاشق للقلعة البيضاء، ولا أؤيد فكرة إعارته أو بيعه حتى لا نبكي على اللبن المسكوب، فتوح ليس فقط قائد الزمالك وظهيره الأيسر، بل هو الظهير الأساسي أيضًا لمنتخب مصر».
وقال تامر عبدالحميد في فيديو بثه عبر حسابه الرسمي على موقع الفيديوهات «يويتوب»: «ممدوح عباس بيبعت رسالة للناس، وبيقولهم أنا اللي بدير والقرار قراري بفلوسي وأنا اللي جايبكم، ومحدش هيقدر عليا، والجدع فيكم يطلع يرد عليا أو يكذبني، ورسالته الأخيرة هي أنا الحاكم الفعلي للزمالك».
وأضاف: «الناحية التانية، جون إدوارد اللي بيدير، بيقول إن القرار قرار يانيك فيريرا المدير الفني، وأنا بقوله إنت بتهزر! انت اللي جايب الناس دي كلها، احترموا عقولنا شوية».
وأتم نجم الزمالك السابق: «المهم إن اللي بيدير الكورة دلوقتي واخد اتجاه غير اللي بيدير النادي، توقعوا إن يبقى في خناقة الفترة الجاية بين ممدوح عباس وجون إدوارد».
