علقت الإعلامية ياسمين عز على واقعة أحمد فتوح، بعد تغريمه من قبل إدارة نادي الزمالك وتحويله للتحقيق بسبب خروجه من المعسكر الإعدادي، وحضوره أحد الحفلات بدون الحصول على إذن.
وظهر أحمد فتوح في حفل الفنان راغب علامة في الساحل الشمالي، رغم خروجه من معسكر الزمالك الإعدادي بسبب مرض عمه، حسب ما أكد عبدالناصر محمد مدير الكرة.
وقالت ياسمين عز في تصريحات تليفزيونية عبر قناة «mbc مصر»:«ليه بتظلموا أحمد فتوح ياجماعة، ساب المعسكر وأخذ إذن عشان عمه مريض، ومكنتوش عارفين أن عمه الفنان راغب علامه اديكم عرفتوا».
وتابعت:«طبعا كلنا عارفين أهمية صلة الرحم، طيب هل شوفتوا شهادة ميلاده والرقم القومي وعرفتوا صلة القرابة بينهم، شوفتوا الأسم ثلاثي، وعرفتوا أنه مظلوم».
واكملت:«دا اسمه أحمد محمد أبوالفتوح ودا راغب صبحي علامه، مفيش تشابه بس يمكن عمه من ناحية الأم، بلاش ظلم ليه تظلم الناس«.
وواصلت: «عايزة أقول لفتوح لما تأخد بالك أن حد بيصورك هيشوفوك يا فتوح مفيش حاجة اسمها محدش هيشوفني لا وهينزلولك على الفيس بوك، دخل وشك في القميص أو خبي وشك في كتف أخوك إمام عاشور».
وأردفت: «الأيام اللي جاية احتمال حد من العيلة يتعب سواء الفنان عمرو دياب أو تامر حسني غيره وأنتوا عيلة فنية كبيرة خلي بالك الفترة الجاية كلها حفلات وموسم، أنا الحقيقي مش عارفة أساعدك ازاي».
واختتمت قائلة: «أنت جيت هنا متر وتمانين يعني طويل والكل هيشوفك، مش فاهمة، نساعدك ،أهو اتغرمت مليون جنيه، ودي تعتبر أعلى سعر لتذكرة في أمم أفريقيا».
