فتح إبراهيم المنيسي، رئيس تحرير مجلة الأهلي، النار على وسام أبوعلي بعد أزمته مع النادي الأهلي، في ظل تمسك اللاعب بالرحيل وخوض تجربة احترافية خارج القلعة الحمراء.
وقال المنيسي في تصريحات عبر فيديو تم بثه على قناته الرسمية بالـ«يوتيوب»: «وسام أبوعلي رغبته الأساسية هي الرحيل إلى أمريكا وبيدفع بظروف أسرية من أجل الموافقة على ذلك، ولكن ما يهم الأهلي هو تحقيق الاستفادة من بيع اللاعب».
أضاف: «الرقم اللي الأهلي واضعه لبيع وسام أبوعلي مش متداول في الإعلام، ولكن بين الكابتن محمود الخطيب ومجلس الإدارة، حتى النادي لما طلع بيان لم يحدد السعر المطلوب».
وتابع: «زي ما وسام بيضغط على الأهلي ضغط رهيب ده مش هيمنعه من العقوبات، بإنك تغيب عن الكشف الطبي والقياسات البدنية، ومتروحش تعمل أشعة رنين وأنت بتقول إن عندك إصابة في الخلفية، وهيطبق عليه اللائحة بمنتهى الهدوء والتعامل والاحتراف».
وأكمل: «المسألة دلوقتي بقت مسألة فلوس بالمعنى الحرفي، بمعنى إن النادي إن لم يصل إليه أعلى رقم مش هيعمل حاجه».
وأردف: «وسام بدأ يعلي نسبة الوكيل علشان يخليه يعلي الضغط في الاتجاهين، ولكن الأهلي كقيمة ميحبش يتحط في موقف إنه يطلب من لاعب يقعد غصب عنه، ويحب الناس تتمسك به مش العكس، طب هيتقال إنه لاعب محترف وعنده عقد 4 سنوات، بس كمان أنا مش هقعده غصب عنه إلا إذا لم يحقق العرض مصلحة النادي، ولو النادي الأمريكي استغل ضغطة وسام هيروح عاملة هجمة مرتدة».
وأتم: «أصبح دلوقتي الخلاف على الرقم مش على الفكر ولا المادة ولا القرار والأهلي مش مستعجل ووسام لو مسافرش تونس مع الأهلي سيطبق عليه اللائحة، لأنك ما زالت لاعب في الأهلي».
