وجه أسامة حسني، نجم الأهلي السابق، رسائل نارية لمصطفى يونس ومحمد عمارة، بعد تصريحاتهما الأخيرة ضد النادي الأهلي.
وقال أسامة حسني، في تصريحات تلفزيونية عبر فضائية «ام بي سي مصر»: «طول ما الأمر انتقاد فني للاعبين أو المدرب ده مقبول وموجود في مجال الكورة، لكن حتة أني أخوض في ذمم مالية وأعراض، لازم هنا تبقى في واقفة».
وأضاف: «الخوض في الذمم المالية غير مقبول خاصة إن احنا في دولة قانون، والأمور دي كلها تخضع للقانون، لو اتهمت حد بالباطل صاحب الحق هياخد حقه بالقانون».
وتابع: «الانتقاد الفني لازم يكون بالمنطق، لما تقول إمام عاشور، معندوش فكرة، هل المشاهد هيحترمك كمحلل».
وواصل: «محمد عمارة، طالب الأهلي ببيع زيزو وسام أبوعلى وإمام عاشور، للسيطرة على أوضة اللبس، هل ده كلام منطقي! أبيع خط الهجوم للسيطرة على أوضة اللبس!».
وأكمل: «الكابتن محمد عمارة، كان موجود في الأهلي، وعارف الأهلي بيسيطر على أوضة اللبس ازاي».
