دافع الإعلامي أحمد شوبير حارس مرمى الأهلي ومنتخب مصر السابق عن الصفقات المنتظرة في صفوف نادي الزمالك مشددا على أنها صفقات جدية حتى وإن كانت أسماء غير مشهورة بشكل كبير.
وقال أحمد شوبير: «الزمالك حسم صفقة الأنجولي شيكو بانزا من البرتغال وده لاعب صغير السن والكلام بيتقال لاعيب جيد، وكمان عمرو ناصر من فاركو 5 سنوات لاعيب جيد جدا والموسم الماضي كانت له أهداف مؤثرة وكان ينافس على لقب هدّاف الدوري، وكمان فيه صفقتين منتظر الإعلان عنهما وهما أحمد شريف جناح فاركو وهو لاعيب إمكانياته جيدة جدا، والجناح الفلسطيني آدم كايد».
وأوضح شوبير: «البعض هيقول لي بس الأسامي مش منورة، هقول لك مش لازم اه والله مش لازم، تعالى شوف باريس سان جيرمان، مفيش أسماء منورة قوي في تشكيلته، يعني أشهر لاعب فيهم مثلا عثمان ديمبيلي اللي كانت جماهير برشلونة بتطالب برحيله دلوقتي مرشح للقب أفضل لاعب في العالم».
وأضاف شوبير: «فقصة الاسم مش منور عادية، هينور إزاي قبل ما يروح نادي كبير، إمام عاشور نور إزاي لولا انتقاله لأندية كبيرة، كان في غزل المحلة ثم حرس الحدود وبعده الزمالك ثم ميتلاند الدنماركي وبعده الأهلي فنادي بعد نادي يبدأ اللاعيب ينور».
واختتم شوبير: «باريس سان جيرمان كان عنده نيمار مع ميسي مع مبابي مخدش أي بطولة عالمية ولما الكبار دول كلهم مشيوا حصد البطولات، تخيل ميسي بجلالة قدره منجحش مع باريس سان جيرمان».
