كشفت قناة الأهلي تفاصيل مفاوضات الزمالك مع أحمد عبدالقادر، لاعب الفريق الأول، للتعاقد معه، رغم أنه لا يزال لاعبًا في صفوف الأحمر.
وقال الإعلامي أحمد شوبير عبر برنامج «حارس الأهلي»: «أحمد عبدالقادر عايز يمشي، الأهلي معندوش مانع ولا مشكلة في الكوبري ولا الترعة ولا المحيط، وبيحسبها لمصلحة الفريق».
وأضاف: «اللاعب خلاص استقر على الرحيل والأهلي مش رافض. المعلومات اللي عندي إن عبدالقادر رغبته الأولى إنه يلعب في الزمالك وجلس أكثر من مرة مع مسؤولي الزمالك وبيدورا إزاي تخلص القصة».
وأكمل: «الأهلي أراح الجميع، هاتلي عرض جيد بفلوس جيدة وإلا هتدخل في منافسة مع باقي اللاعيبة، لكنه عايز يلعب في الزمالك وهما بيتفاوضوا معاه وهو لا يزال لاعب في الأهلي، ومش عارف اللوائح بتقول إيه».
وتابع: «الأهلي لن يترك اللاعب إلا بالقيمة اللي الأهلي عايزها. في عرض من الحزم السعودي وان كنت عرفت إن النادي تراجع عن ضم عبدالقادر».
وزاد: «الموقف دلوقتي لو مجاش عرض جيد أو لو متباعش هيتدرب مع الفريق وعليه إنه يوضح إنه يقدر ينافس في فريق الأهلي».
