رد مصطفى يونس، نجم النادي الأهلي السابق، على تصريحات الإعلامي أحمد شوبير، الذي هاجمه عبر قناة النادي «الأهلي».
كان شوبير، قال في تصريحات عبر قناة «الأهلي»: «كابتن مصطفى يونس، شايف برنامجي أفضل برنامج أو أسوأ برنامج، أو شايف مجلس إدارة الأهلي ناجح أو فاشل فده رأيه وأنا احترمه»، مضيفا: «لكن لما يصل الأمر لاتهامات وأمور بتقال عكس الحقايق يبقى لازمة وقفة.. من فضلك تقدم ببلاغ للنائب العام. لو في أي اتهام ضد الأهلي والإدارة تقدم ببلاغ ولا تتأخر، وبالمقابل بتوجه بالنداء لإدارة الأهلي بالتقدم ببلاغ للنائب العام ضد مصطفى يونس ومفيش بينا غير القانون».
واستكمل: «كابتن مصطفى يونس جاب سيرة كابتن حمدي جمعة وأنا أكتر حد عارف قصة حمدي جمعة وأكتر حد على تواصل معاه، يا إما أنا في البيت عنده يا إما في المستشفى منذ أول لحظة من سنوات كتيرة. كل التكاليف تحملها الأهلي ولو قولت الفاتورة هتتخض«.
وأضاف: «أنا كلامي دايمًا اللي بيوجع، كلمتي بتوجع وده يسعدني جدًا إن كلمتي بتوجع، زي ما موضوع جورج الحسن، كل الناس اتكلمت عليه والكابتن مدحت شلبي، اتكلم عليه، ولكن لما أنا اتكلمت كلامي هو اللي بيوجع».
وتابع: «أنا بعامل ربنا مش بعامل الناس، حرصي على مصلحة النادي الأهلي».
وأشار: «محمد عمارة، حكى لي ما حدث بينه وبين شوبير، الموضوع مفيهوش تهديد، عمارة قال (متجبش سيرتي تاني في البرنامج)، شوبير، قاله (اعتبر ده تهديد)، عمارة، قاله (اعتبره)».
