شن أحمد سالم المتحدث الرسمي لنادي الزمالك هجومًا ناريًا ضد مذيع قناة النهار بعد تقدم القناة بشكوى ضد الزمالك.
وتقدمت إدارة قناة النهار بشكوى ضد مجلس الزمالك بقيادة حسين لبيب بتهمة ترهيب الإعلام بعد شكوه النادي ضد أحد مذيعين القناة مؤخرًا.
وقال أحمد سالم في تصريحات تليفزيونية عبر قناة الشمس: «الزمالك لو اشتكي أو اتضايق من أحد الزملاء في الإعلام الرياضي واللي مصمم ينشر حاجات ملهاش أي أساس من الصحة عن نادي الزمالك وكل شوية يخترع سيناريو جديد، ويألف حدوته جديدة».
وتابع: «أنا عايز أعرف مين بيدي هذا الشخص الحواديت دي، حتي اللي بيدهاله هو كاتب سيناريو متواضع جدا، لأنها ملهاش أي علاقة بالحقيقة».
وأضاف: «مثلا ممكن يقول فلان الفلاني جدد وهو مجددش ماشي خبر هو غلط بس يعدي، بس بتحكي حكاية كاملة عن تعاقد وخلاف وموضوع وقالي وقولتله وزعقلي وجاب الورق دا بجد ملوش علاقة بالإعلام خالص».
وأكمل: «كنت أتمنى من قناة النهار حاجة من الاتنين لتعتذر نيابة عن الشخص المقدم شكوى ضده، أو توضح في بيان وتقول يا جماعة أنتوا ظلمتوا الشخص دا واهو المستندات».
واختتم: «لكن شكوى الزمالك غريبة وهل المجلس جهة اختصاص في شكوى ضد ناديه، اللي ممكن يعمله المجلس مع كابتن حسين لبيب، أنا ماشي ممكن يتقدم ضدي عادي كلنا تحت مظلة الإعلام لكن ايه اللي ممكن يعمله المجلس مع كابتن حسين لبيب مش عارف».
