هاجم تامر عبدالحميد، نجم الزمالك السابق، مجلس إدارة النادي، بسبب إدارتهم للنادي خلال الفترة الماضية، وعدم النجاح في 3 ملفات رئيسية.
وتحدث تامر عبدالحميد عبر قناته على منصة «يوتيوب»، قائلا: «إدارة حسين لبيب أثبتت أنها غير قادرة على إدار كشك سجاير وورطوا المسؤول اللي وثق فيهم».
وقال تامر عبدالحميد: «كان في مسؤول له اختيارات وناس ضحكوا عليه أو عليهم وخدعوهم».
وأضاف: «حصل تقديرات مش صح، وده موجود في الشغل، وتتورط أنت كصانع قرار وهذا ما حدث، إن المجموعة اللي موجودة ورطت أصحاب القرار في وجودهم».
وأكمل: «أثبتوا إنهم غير قادرين على إدارة كشك سجاير، تم استنفاذ كل الطرق وكل سبل الدعم مع واحد هو نفسه قال للناس أنا فاشل، أنا مش بعرف أدير».
وتابع: «كابتن حسين لبيب طلع قال أنا مبعرفش أدير، فـ هجيب جون إدوارد يدير، وهشام نصر في ألعاب الصالات وقعد مع مجلس الإدارة دفع النادي ملايين وفي النهاية المحصلة صفر. قالك أنا راجل فشلت، وهاني شكري قناة الزمالك هي اللي بتتحدث عن نفسها، أنا راجل فشلت، ودول أهم 3 ملفات».
