رد الإعلامي إبراهيم المنيسي ومقدم برنامج «ملك وكتابة» عبر شاشة الأهلي، على تصريحات محمد عمارة نجم الفريق الكروي الأول بالنادي سابقا، بخصوص بيع ثلاثي الفريق الأول تجنبًا لحدوث أزمة في غرفة الملابس.
وسبق وقال محمد عمارة في تصريحات تليفزيونية مع الإعلامي مهيب عبدالهادي: «يجب أن تقوم إدارة الأهلي ببيع ثلاثي الفريق وسام أبوعلي وزيزو وإمام عاشور تجنبًا لحدوث أزمة في غرفة الملابس وعودة الفريق لحالة الهدوء.
وقال المنيسي في تصريحات عبر قناته على يوتيوب: «في حاجة كدا شغالين عليها اليومين دول وهي الحق أوضة اللبس في النادي الأهلي، كابتن محمد عمارة كان بيقول لازم الأهلي يمشي وسام وزيزو وإمام عشان يحل مشاكل أوضة اللبس».
وتابع: «الله الله، انتوا شفتوا أوضة اللبس فيها حاجة وفيها مشاكل، ولا انتوا بتحضروا العفريت من قبل ما الموسم ما يبدأ».
وأضاف: «يا جماعة عيب اللاعيبة كلها ناس محترمين وبتحكمهم لائحة وضوابط محترمة والأهلي مفيش فيه الكلام دا، فكرة أننا نسمع كل يوم أوضة اللبس والإعلام الرياضي والمصطلحات بتاعتنا دي والموضة بتاع أوضة اللبس مش صحيحة».
وأكمل: «الأهلي مفيش فيه دا وفيه لوائح وكل واحد عارف اللي له واللي عليه وساعة التجاوز أو الخروج عن المألوف شوفنا الأهلي لا يتقاعس مع أي حد».
واختتم: «بس دا يخليني أقول للاعيبة تأخد بالها أن هيحصل زن كتير وكلام كتير وناس هتصدرلك أزمات لأن محدش هيبقي عارف ينافسك على السطح، فهيكون فيه مسألة تحضير عفاريت تانية بقا لازم الأهلي ياخد باله منها».
