كشف الإعلامي سيف زاهر، عن اشتعال الصراع بين مسؤولي الأهلي والزمالك على ضم حامد حمدان لاعب الفريق الأول لبتروجيت خلال فترة الانتقالات الصيفية الجارية.
وقال سيف زاهر في تصريحات تليفزيونية عبر برنامج «ملعب أون»: «كنا بنقول الميركاتو دا عادي بلا منافسات بلا شد وجذب بين الأهلي والزمالك، والظاهر الموضوع اتحسد لما قولنا كدا، وبقا في تنافس على صفقة قوية، وهو حامد حمدان لاعب بتروجيت».
وتابع: «الأهلي والزمالك داخلين الصفقة بقوة، واللاعب مهم وبيلعب في مركز 6 وفي مركز 8، وكمان في عرض قطري للاعب».
وأضاف: «الحقيقة بقالي فترة لما بتكلم على أي لاعب محلي جايله عرض من برا بشوف أن فرصة بقائه بقت صعبة جدا، لأن فرق الفلوس كتير جدا، هنا بتوصل لأرقام لـ 11، و12 مليون جنيه ودا رقم كبير مش صغير بالنسبة للأندية».
وأكمل: «عندنا مثلا نادي سراميكا حاطط 13 مليون جنيه لضم عبدالقادر، في حين أن الحزم السعودي دخل بعرض جديد بقيمة 25 مليون جنيه يعني فرق كبير، والأرقام بقت صعبة جدا والله يكون في عون الأندية، السؤال بقا هنا هل الأندية قادرة تكمل».
