كشف أيمن الرمادي مدرب فريق كرة القدم الأول بنادي الزمالك السابق، مفاجأة حول طلب أحد أعضاء الجهاز الفني للقلعة البيضاء، مشاركة أحمد مصطفى زيزو لاعب الفريق السابق، أمام بيراميدز في نهائي كأس مصر.
وحقق الزمالك لقب كأس مصر، على حساب بيراميدز في لقاء لم يشهد مشاركة زيزو لاعب الأهلي الحالي، أساسيا أو من على دكة البدلاء، إذ صدر قرارا من مجلس الزمالك برئاسة حسين لبيب بتجميد اللاعب، وتدريبه منفردا.
وقال الرمادي في تصريحات إعلامية عبر شاشة «أون سبورت»: «في حد من الجهاز بتاعي مش هقول اسمه كلمني علشان أنزل زيزو ضد بيراميدز وقالي إن مفيش حد بيلعب في مركزه غير شيكابالا وشيكا لازم يلعب لمدة محددة مش طول اللقاء».
واستكمل: «الشخص ده موجود حاليا وبيسمعني ومش أيمن عبدالعزيز، ولمنه قالي ممكن تكلم الإدارة، وأنا قولت الموضوع ده شائك جدا ومش بتاعي ده قرار نادي وسياسة عامة للنادي ودي حاجة مليش فيها».
وتابع: «لو كان القرار قراري أنا بردو الموضوع هيبقى صعب من ناحيتي وناحية زيزو، هو الأمور مش هتكون أحسن حاجة، وأنا ممكن أخير علاقتي بالجمهور».
