رد الإعلامي مدحت شلبي على ما كتبه مدحت العدل، رئيس قناة الأهلي السابق، عبر منصة «إكس»، والتي قالها أثناء تعليق الأول على مباريات الأحمر بكأس العالم للأندية.
وقال شلبي عبر قناة «إم بي سي مصر 2»: «في الماتشات اللي علقت عليها التعليقات كانت كتيرة إيجابي وسلبي وبشكر طبعا ده».
وأضاف: «محمد العدل طبعًا رئيس الأهلي السابق، كتب تويتين (على إكس)، كتب في الأولى (لا لا مش ضربة جزاء يا مدحت شلبي عيب). أنا بحترم هذه التويتة لكن قعدت أفكر هو يقصد أي ضربة جزاء وخليبالك بشكل عام متاخدتش الموضوع من نصفه خده على بعضه».
وأكمل: «لما قولت ضربة جزاء في أول لقطة هو الحكم حسب إيه، أكيد شايف أفضل مني (الهلال ضد فلومينينيسي). وقولت رجع للفار ارجع للحار ارجع اللي أنت عايزه».
وتابع: «بعدها قولت خايف خايف خايف يرجع في كلامه لما اتعادت قدامي بوضوح، يعني أنا أقريت إنها مش ركلة جزاء قبل ما يشوفها في الفار».
وزاد: «ولو يقصد لعبة أخرى في مبارة فلومينيينسي (اللقطة الثانية) الحكم منح كوليبالي إنذار للتمثيل. وفي الثالثة الخطأ كان فيها مشترك كوليبالي ولاعب الخصم ماسكه أعتقد فيها (ضربة جزاء) وواضحة».
كما أكمل: «بحترم إنك كتبت ولازم يكون في موضوعية. كتبت تويتة تانية عليا برضو (التحيز في أعلى صوره، وأنا معاه في التحيز بس بلاش تتعدى التحيز لحاجات تانية)».
وعلق شلبي: «مش فاهم يعني إيه الحاجات التانية؟! يمكن تقصد انفعالي زيادة، ده نادينا وده نادينا وواحد ولو أي نادي عربي تاني مشارك هقول نفس الكلام».
وأتم: «حبيت أشرح لحضرتك مع كل الاحترام، وبتمنى نتحلى بالموضوعية».
