كشف الإعلامي إبراهيم المنيسي، رئيس تحرير مجلة النادي الأهلي، عن تطورات موقف الفلسطيني وسام أبوعلي لاعب النادي الأهلي، بخصوص العروض التي وصلت للاعب.
وقال إبراهيم المنيسي في فيديو عبر قناته الرسمية على يوتيوب: «بالنسبة لموضوع وسام أبوعلي، وموقفه من العروض اللي جايله، لحد اللحظة دي العروض والأرقام اللي وصلت للاعب سواء من أمريكا أوخليجي لم ترتقي لطلبات الأهلي».
وتابع: «الأهلي شايف أنه بيبيع حاجة ليها قيمة ومهاجم قوي والإلحاح بتاع وسام أنه عايز يطلع بأي شكل والمعروض عليه كتير، وفرصة، وبيستثمر التألق بتاعه في كأس العالم، دي كلها مخليه الموضوع يسير بالشكل دا».
وأضاف: «الأهلي محدد هو عايز إيه، وحتي الآن من إمبارح لحد النهاردة مفيش فيه جديد».
