وجه أحمد حسام ميدو، نجم الزمالك السابق وعضو لجنة التخطيط السابق، رسالة، بشأن ما يجرى حاليًا داخل أسوار النادي، بعد تولي جون إدوارد مهمة المدير الرياضي.
وكتب ميدو عبر حسابه على «إكس»: «اللي بيحصل في الزمالك دلوقتي عظمة وطول عمري بحلم إن فريق الكورة يتقفل عليه ويبقى معسكر الزمالك كأنه ثكنة عسكرية وأنا متفائل خير إن فريق الكورة على الطريق الصحيح».
وأضاف: «بقالنا سنين بنعاني من تسريب اخبار الفريق بقالنا سنين بنعاني من الناس اللي فاكرين الزمالك ورث شرعي وإن الشغل فيه حق مكتسب حتى ولو ماعندكش أي مؤهلات».
وأكمل: «أنا والله ما ليا مصلحة مع أي حد جوه النادي دلوقتي ولا حتى بتكلم مع أي حد جوه النادي لا بكلم حد ولا برد على حد وقررت إن الفترة الحالية أرجع مشجع بس إرجع اروح ماتشات الزمالك من غير ما يكون ما بيني وما بين أي مسؤول في النادي أي كلام».
وتابع: «وأنا كزمالكاوي مبسوط جدًا ومتفائل إن شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده».
