كشف أمير مرتضي منصور، المشرف العام على قطاع الكرة في نادي الزمالك سابقًا أسباب رحيل الصربي ميتشو، وحقيقة مرضه خلال توليه الإدارة الفنية لنادي الزمالك.
وقال أمير مرتضي: «بعد رحيل جروس تم التعاقد مع الصربي ميتشو وبالفعل لعب كأس مصر أمام بيراميدز وحقق الفوز بثلاثية وبعدها كان عندنا مباراة مازيمبي».
وتابع: «قبل مباراة الزمالك ومازيمبي في المحاضرات اللي قبل الماتش ميتشو قال للاعبين في المحاضرة إنه مريض جدًا وممكن يموت، وده أثر نفسيًا عليهم، والمباراة انتهت بخسارتنا 3-0».
وأضاف: «أنا طبعا ماكنتش مع البعثة وقتها، ولما شفت اللاعيبة منزّلين دعم ومساندة، كلمت حد منهم بقوله فيه إيه لقيته بيعيط وبيقولي»ميتشو تعبان«وهيكوت».
وأكمل: «طبعا اتواصلت مع ميتشو وقتها، ففاجئني إن دي كانت حركة منه لتحفيز الفريق، قولتله لا طبعا الكلام دا هنا في مصر مش موجود ومينفعش، ووقتها قررنا توجيه الشكر له بعد المباراة وعشان كدا مرفعش علينا قضايا ولا حاجة».
