وجه إبراهيم المنيسي، رئيس تحرير مجلة النادي الأهلي، رسالة إلى وائل القباني، مدير الكرة السابق في النادي الزمالك، بعد تصريحاته الأخيرة عن فترة وجوده داخل الفريق.
وقال إبراهيم المنيسي في تصريحات عبر قناته على يوتيوب: «شوفت تصريحات وائل القباني مدير الكرة السابق أنه أوضة اللبس في فترة وجوده كان فيها أزمات، وأن أيمن الرمادي المدير الفني مكنش على وفاق معاه وهو كان عايز يشارك زيزو في كأس مصر وأنا لا».
وتابع: «قال أنا عاقبت لاعيبة وهي على الدكة فاتحة الموبايلات ومش مركزة في الماتش، وقال تفاصيل كتير عن مشهد العلاقة اللي كان بيعاني بسببها وقت العمل».
وأكمل: «وائل شخصية محترمة، ومن أصحاب الرأى ومش مغرض، لكن المسؤولين عن عمل وبيسيبوا مهمتهم ياريت يصمتوا قليلًا، عن التجربة، وربنا ما يجعلنا من أصحاب كلامنا، زي ما كنا بنلوم مسؤولين الأهلي لو طلعوا واتكلموا عن تفاصيل مرحلتهم ودا مش أخلاقي وسليم بنسبة 100%، خاصة أن المنظومة لسة شغالة، ومنطق الأهلي والزمالك واحد، أتمنى شهوة الإعلام والحديث تنتهي، لأن في حقوق عامة ودي تجارب مؤثرة ومستمرة».
واختتم: «بس واضح وشاهد من كلام وائل القباني أن الأجواء مكنتش في الزمالك لطيفة خالص، ودا اللي خلي لاعب زي زيزو ميفكرش وأول ما يجيله عرض من الأهلي يمشي على طول».
