خرج علاء ميهوب، نجم النادي الأهلي السابق، عن صمته بعد الانتقادات التي تعرض لها في الفترة الماضية من بعض جماهير القلعة الحمراء.
وقال علاء ميهوب، في تصريحات ببرنامج «الكابتن»، المذاع عبر فضائية «دي ام سي»: «عمري ما كنت ضد النادي الأهلي، انتقادي هو انتقاد فني، أنا اتعلمت في النادي الأهلي، لما أشوف حاجة غلط انتقدها».
وأضاف: «أنا مش عايز حاجة من النادي الأهلي، أنا عايز أشوف النادي أحسن حاجة»، مضيفًا: «أنا أول مدير كرة تعاملت معه في النادي الأهلي حسن حمدي، وأنا عندي 18 سنة، دي مثلي الأعلى، هو في الإدارة حاجة مرعبة».
وتابع: «أنا أهاجم النادي الأهلي إزاي! أنا بهاجم عشان عايز الأحسن للنادي»، مضيفًا: «بعد ضربة جزاء تريزيجيه، كنت في الإذاعة وطالبت بتوقيع عليه عقوبة مالية وعدم مشاركته في مباراة بالميراس، طلعت الناس بعدها هاجمتني وقالت (كويس أنه مجاش مدير كرة) على الرغم من الأهلي أعلن بعدها توقيع عقوبات على اللاعب وأنا كنت ضد الإعلان عن العقوبة في وسائل الإعلام».
