كشف هاني رمزي، رئيس لجنة الاسكاوتنج السابق بالنادي الأهلي، عن كواليس رحيله من منصبه بالقلعة الحمراء.
وقال هاني رمزي، خلال حواره ببرنامج «بلس 90»، المذاع عبر فضائة «النهار»: «رحلت من لجنة الاسكاوتنج من النادي الأهلي بسبب الاختلاف في وجهات النظر بيني وبين محمد رمضان، المدير الرياضي السابق للنادي الأهلي».
وأضاف: «مش عايز أقول الأسباب، أنا متحفظ على بعض الحاجات ومش هقولها، الاختلاف مع محمد رمضان، كان على صعيد الشغل مكنش في اتفاق في وجهات النظر».
وتابع: «في حاجات مينفعش أطلع أقولها في الإعلام، لو في خلافات في وجهات النظر كان مفروض نقعد مع بعض ولكن ده محصلش، رحيلي كان المفاجأة، خاصة مفيش مفدمات برحيلي».
وواصل: «كنا بنتواصل مع بعض ولكن فجأة التواصل انقطع، كنت بتواصل معاه مش بيرد، ومحمد رمضان، كلمني بعدها قالي (إنت مش موجود معانا الفترة اللي جاية)».
وأتم هاني رمزي، تصريحاته قائلًا: «الموضوع كان ممكن يخرج بشكل أفضل من كده، المفروض كان ينتهي بشكل أكثر احتراما».
