كشف وائل القباني، مدير الكرة السابق بالفريق الأول لكرة القدم بنادي الزمالك، واقعة مثيرة بشأن ثتائي الفريق الأبيض.
وقال وائل القباني، في تصريحات لبرنامج «الكابتن»، المذاع عبر فضائية «دي ام بي سي»: «أنا وقعت عقوبة على اتنين لعيبة كانوا ماسكين موبايلات على الدكة أثناء مباراة رسمية، مش هقول أسامي اللعيبة».
وأضاف؛ «اللعيبة بعد استبدالهم دخلوا غرفة الملابس غيروا ورجعوا على الدكة ماسكين الموبايلات».
وتابع: «العقوبة بين الاتنين كانت غير متساوية، لأن واحد المدير الإداري قاله مرتين متنفعش تمسك الموبايل وانت على الدكة، مسمعش كلامه، فأنا روحتله قولتله لو سمحت شيل الموبايل ده (متزعقليش)، ده كان لازم ياخد عقوبة أعلى من التاني».
وواصل: «التاني قالي (حاضر ياكابتن وشال الموبايل)، الاتنين كان لازم يتم توقيع عليهم عقوبة، لأن المبدأ واحد، لكن واحد رد باحترام وامتثل للقرار وشال الموبايل، والتاني اتكلم كتير ومسمعش كلام المدير الإداري».
