رد سيد عبد الحفيظ نجم النادي الأهلي السابق، عن مقارنات البعض بين النادي الأهلي والهلال السعودي، وذلك بعد تأهل الأخير لدور ربع نهائي ببطولة كأس العالم للأندية.
وكان الهلال صعد لدور ربع نهائي مونديال الأندية بعد تحقيقه فوزًا مثيرًا على نادي مانشستر سيتي في دور الـ16، بينما ودع الأهلي البطولة من دور المجموعات.
وقال سيد عبد الحفيظ في تصريح تليفزيوني عبر شاشة «إم بي سي مصر»: «مشروع الدوري السعودي بادئ من بدري وبيؤكد على نظرية إن الفلوس والقدرات لما بتجتمع مع بعض بتكون دي النتيجة، ولازم الاتنين تكون متوافقة».
وأضاف: «بالتأكيد كلنا مبسوطين للهلال فريق عربي كبير، وكان كله بيقف معانا وبيدعمنا وبشجعنا في البطولة من كبيرهم لصغيرهم وبالتأكيد أحنا بنبادلهم نفس الشعور، ومستنين أكتر وأكتر».
وتابع: «مفيش مقارنة بالتأكيد، ولكن زعلنا على النادي الأهلي بعد مشوفنا المجموعة بتاعتنا ومستوياتها، كان عندنا أمل اننا نوصل لأبعد من كدة».
وأوضح عبدالحفيظ: «ممكن يبقى غياب الحظ والتوفيق مع عدم استغلال فرص كتير أدت للخروج من البطولة، في المقابل فريق الهلال أخد حظه وده حقهم الحقيقة».
وأكد نجم الأهلي السابق، على أن الهلال لم يحرج الأهلي ولا شيء، الزعيم رفع رأس العرب ورفع سقف الطموح، وخلى عندك دافع وإحساس إنك تقدر بعد كدة.
