حققت دميانة عصام جابر، لاعبة مركز شباب المعادي للملاكمة، إنجازًا كبيرًا بتتويجها بالميدالية الذهبية في بطولة الجمهورية للسيدات، بعدما حصدت المركز الأول في وزن 54 كجم.
كما وجهت شكرًا خاصًا لمدربها في الجيم، تامر، قائلة: «في وقت كانت الدنيا ضاقت بيا، وماكنش عندي مكان أتمرن فيه، كابتن تامر فتحلي باب الجيم بتاعه، ووفّرلي مكان محترم أتدرب فيه، ودعمني ماديًا ومعنويًا، وكان دايمًا في ضهري. بيعتبرني زي بنته، وأنا ممتنة ليه من قلبي».
وأضافت: «أنا تعبت في التمرين، لكن ربنا ما ضيعش تعبي ولا تعبهم معايا. لولا وقفتهم جنبي، ماكنتش وصلت للمركز الأول على الجمهورية».
وأكدت دميانة أن طموحها لا يتوقف عند بطولة الجمهورية، بل تسعى لتحقيق ميدالية أولمبية لمصر، قائلة: «كافحت علشان أوصل، وعايزة أرفع اسم بلدي وأثبت أن مصر بتدعم كل الطوائف. بشجع كل البنات المسيحيات يدخلوا كل الرياضات، إحنا بلد واحدة، وبنعيش الوحدة الوطنية فعلًا».
وأشادت برئيس اتحاد الملاكمة والدعم الذي تلقته من كافة المسؤولين، مضيفة: «أنا حسيت أني بنتهم، مفيش تفرقة ولا عنصرية بين مسلم ومسيحي. أنا أول قبطية تتأهل لبطولة الجمهورية للملاكمة، وفخورة بده».
