فتح إكرامي الشحات، حارس مرمى الأهلي الأسبق، على أحمد حسام «ميدو»، عضو لجنة التخطيط بنادي الزمالك، وذلك بعد تصريحاته المسيئة ضد لاعبي الفريق الأول لكرة القدم بالنادي الأهلي.
كان ميدو، قال معلقًا على خسارة الأهلي أمام بالميراس البرازيلي، بهدفين دون رد: «مفروض لعيبة الأهلي تقدم مردود أفضل من كده بكتير حتى لو هتخسر المباراة، النهاردة أنا أسف إني أكون بتابع ماتش لفريق عنده تاريخ كبير زي الأهلي، ويكون كل اللعيبة في الملعب بلا استثناء مش عارفين يعملوا أساسيات الكورة! الاستلام والتسلم والوقوف في الكورة الثابتة والتحركات، الأساسيات بتاعة الكورة مش عارف تعملها! فده كرجل مصري محب للكرة المصرية ازعل وأحزن على اللي وصلتله الكرة المصرية، احنا وصلنا لكده لأن الإعلام بيفخم ويتغنى باللعيبة محدودي الإمكانيات بيظهروا قدام فرق أقل من المتواضعة في الدوري المصري، لما بتطلع في المستوى وتقابل أندية قوية المستوى الحقيقي بيبان«.
وقال إكرامي الشحات، في تصريحات تلفزيونية عبر فضائية «إم بي سي مصر»:«عيب إن يحصل من لعيب كبير سابق في أحد الأندية ومسؤول دلوقتي، يهاجم لعيبة الأهلي ويقول فاقدة الأساسيات في كرة القدم».
وأضاف: «ما إنت عندك لعيبة وراحت الأهلي يعني معندهمش أساسيات الكورة! سقطة منه يقول حاجة زي دي، مفروض لعيبة الأهلي دلوقتي أحسن لعيبة في مصر وافريقيا».
وتابع: «مينفعش تقول كلام على المال على بطال، لازم في مصدقية في الكلام إللي إنت بتقوله، انت بتقول الكلام ده في دولة عربية، إنت محسوب علينا كمصري تقول كده على الأهلي!، أنا شايف اللي قولته سقطة».
